Accessibility links

шимбә, 10 декабрь 2016, Казан вакыты 17:39

Мәдинәдә очкыч һәлакәтендә 29 кешегә зыян килде


Согуд Гарәбстанының Мәдинә шәһәренә килүче очкыч һәлакәткә юлыгып 30-лап кеше зыян күрде.

11 кешене хастаханәләргә алып киттеләр, калганнарга һава аланында ярдәм күрсәтелде. Иранның Мәшһәд шәһәреннән Мәдинәгә килгән очкычта 300-дән артык юлчы булуы хәбәр ителә.

France-Presse хәбәр агентлыгы очкыч тәгәрмәчләрендә төзексезлек булу мөмкинлеген белдерә.

Җирле Tasnim агентлыгы Saudi Arabian Airlines һава ширкәтенә караган Boeing-767 төшеп утырганда тәгәрмәчләрен чыгара алмаган дип хәбәр итә. Очкыч берничә тапкыр утырырга тырышкан, әмма тәгәрмәчләре чыкмаган. Шуннан соң пилотлар түше белән төшәргә карар кылган. Бу очкычта хаҗилар булганлыгы әйтелә.

XS
SM
MD
LG