Дума блогларны мәгълүмат чарасына тиңләгән канунны тикшерә

Либерал-демократлар тәкъдиме белән бу атнада Русиянең Дәүләт думасына блогларны мәгълүмат чарасына тиңләгән канун өлгесе тәкъдим ителәчәк.

Көненә өч меңләп укучысы булган блоглар үзләрендә урнаштырылган мәгълүматның дөреслеген тикшерергә, кешеләрнең шәхси тормышы турында мәгълүмат бирүдән тыелырга, блогны ничә яшьтән укырга яраклыгын язып куярга тиеш булачак. Рекламадан акча эшләүчеләр салым түләргә тиеш булачак.