Accessibility links

пәнҗешәмбе, 8 декабрь 2016, Казан вакыты 23:04

Кырымның "Евровидение" бәйгесендә тавыш бирүе Украина файдасына саналачак


"Евровидение" бәйгесендә катнашучылар өчен Кырымнан килгән тавышлар Украина файдасына саналачак, дип белдерде җыр бәйгесенең җәмәгатьчелек белән эшләү белгече Ярмо Сиим.

Моның сәбәбе - Кырымны элемтә белән Украина ширкәтләренең тәэмин итүе. "Евровидение" башланганчы Кырым һәм Акъяр Украинаның +38 телефон кодыннан Русиянең +7 кодына күчеп өлгерсә - Кырым тавышлары Русиягә саналачак, дип өстәде бәйге вәкиле.

Беренче ярымфинал 6 майда Дания башкаласы Копенһагенда үтәчәк. Анда Русиядән апалы-сеңелле Толмачевлар, Украинадан Мария Яремчук катнашачак.

"Евровидение" бәйгесе 1956 елдан бирле Европа илләре арасында оештырыла. Узган ел Татарстан кызы Динә Гарипова анда чыгыш ясап бишенче урынны алды.

XS
SM
MD
LG