Мәскәү кыйммәтле кәгазьләр базарында бер евро бәясе 53 сумга, доллар 41 сум 92 тиенгә менде.
Халыкара Standard & Poor’s (S&P) агентлыгы Русиянең рейтингын төшерүе сәбәпле доллар тагын да кыйбатланачак, дигән фараз бар.
Русиянең рейтингын Moody's агентлыгы да төшерде. Агентлык моны Украина кризисының дәвам итүе, халыкара санкцияЛәрнең артуы, Русия бизнесларының чит илләрдә кредит ала алмаулары, капиталның илдән китүе һәм нефтькә бәяләрнең кимүе белән аңлатты.
