Accessibility links

сишәмбе, 25 апрель 2017, Казан вакыты 04:10

14 декабрьдә Мәскәүдә "Хәлдән килерлек белем алу, торак һәм медицина өчен" дигән шигар астында урам йөреше һәм митинг узачак. "Моссовет" хәрәкәте координаторы Владимир Махов сүзләренчә, Мәскәү хакимиятләре бу ике меңгә кадәр кеше катнашачак чарага рөхсәт биргән.

Урам йөрешендә катнашучылар 30 ноябрь көнне хастаханәләрне ябуга каршылык белдерүчеләр үткән урамнардан барачак. Мәскәүдә җыелган өч меңләп кеше хастаханәләрне ябу, табибларны эштән алу, түбән хезмәт хакы һәм медицинаның сыйфатсызлыгына каршы йөрешкә чыккан иде.

Җыенда башкалада сәламәтлек саклау өлкәсендә реформалар уздырырга, хастаханәләрне ябуны һәм медицина хезмәткәрләрен эштән алуны туктатырга дигән резолюция кабул ителде.

XS
SM
MD
LG