Accessibility links

пәнҗешәмбе, 8 декабрь 2016, Казан вакыты 17:13

"Татмедиа" еллык эшенә йомгак ясады, кризиска планнар корды

"Татмедиа"ның еллык коллегиясе "кризиска каршы чаралар" әзерләнгән чорга туры килде. Утырышка берничә көн кала ТНВда кыскартулар булачагы ачыкланды. Кризис елында Татарстан мәгълүмат чаралары ничек яшәр? Азатлык коллегиядән җанлы блог тәкъдим итте.


"Татмедиа"нең коллегия утырышы. 9 гыйнвар 2015

"Татмедиа"нең коллегия утырышы. 9 гыйнвар 2015

сөземтә

"Татмедиа"ның еллык коллегиясе "кризиска каршы чаралар" әзерләнгән чорга туры килде. Утырышка берничә көн кала ТНВда кыскартулар булачагы ачыкланды. Кризис елында Татарстан мәгълүмат чаралары ничек яшәр? Азатлык коллегиядән җанлы блог тәкъдим итте.

11:17 9.2.2015
Әсгать Сәфәров чыгыш ясый

Әсгать Сәфәров чыгыш ясый

Әсгать Сәфәров та русча теттерә. "Проектларны янчыгыбызга карап тормышка ашырырбыз", дип кризиска каршы план булуын телгә алды. Ниндидер кыскартулар турында белдермәде. Кризиска каршы икътисад шурасы эшләячәген, ел дәвамында медиага күпме акча тотылачагы билгеле булмауны да әйтеп узды.

Икенче дөнья сугышы төгәлләнүнең 70 еллыгын телгә алып, бу сугышка карата Украинада башка караш яшәвен дә белдерде. Шуңа күрә, мөгаен, җиңүгә багышланган интернет портал булдыру кирәклеген әйтә. Динара, миләттара мөнәсәбәтләргә аеруча игътибар кирәк, ди. Сәфәров инертнет һәм социаль челтәрләрне оператив һәм объектив мәгълүмат җиткерүдә эшкә җигәргә, журналистларны гел кара турында гына язмаска чакыра.

ТАССРның 95 еллыгы, Татарстанның 25 еллыгы да игътибардан читкә калмаска тиеш, ди. Китап таратуга килгәндә, бу эшнең китапханәләр аша башкарылуын әйтә. "Татмедиа"ның бу проблемга карата бизнес проекты булмауны тәнкыйтьләде.

Сәфәров 2001 елдан бирле Татарстан президентын сайлауның турыдан-туры булмавын, быел сайлау елы икәнлеген дә телгә алды. Ратникова шикелле үк журналистикада яхшы белгечләр әзерләүнең сизелмәвен белдерде.

Коллегиядә бүләкләүләр китте. Татарча мәгълүмат чараларын да баккан "Татмедиа" коллегиясендә татарча чыгыш ясаган берәү дә булмады. Жыелыш, түрәләрнең тел төбеннән аңлашылганча, быел "акчалар киселмәячәк, әмма артыгын да көтмәгез" сыманрак рухта үтте.

10:48 9.2.2015
Римма Ратникова чыгыш ясый

Римма Ратникова чыгыш ясый

Зарипов һәм Әминовтан соң Римма Ратникова сүз алды. Әлегә татарча сөйләүче юк. Зарипов белән Әминов русча сөйләсә, Ратникова татарча сәламләде дә, русчага күчте. Ратникова журналистлар берлегенең Татарстан журнлистикасы музее проекты булдыруын, Татарстан журналистикасы энциклопедиясен чыгарырга теләүләре турында сөйли. "Укый торган Татарстан" чаралары кирәклеген белдерә. Ратникова сүзләренчә, мәгълүмат чараларында дөрес итеп татарча, русча язу аксый. Журналист белгечләрне яхшырту өчен конструктив сөйләшүгә чакыра. "Алга киткән Татарстан өчен алдынгы журналистлар кирәк", ди Ратникова. Берлек җитәкчесен мәгълүмат чараларыннан даими рәвештә хисап сорап, аларны кәгазь боткасына батыру да борчуга салган. Хисапта электрон форматка күчәргә чакыра.

10:35 9.2.2015
Илшат Әминов чыгыш ясый

Илшат Әминов чыгыш ясый

ТНВ җитәкчесе Илшат Әминов үзенең чыгышы вакытында телевидениедә күпчелек мәгълүмат бирү һәм күңел ачуның гына булуын белдереп, тәрбия һәм мәгърифәткә багышланган тапшыруларның кирәклеген дә әйтә. Республикадагы барлык телетапшыруларның 83%ның урыс телендә, 15%ның гына татарча булуын белдерә. Татарстан вәкилләре тырышлыгы белән Русиянең реклам турындагы канунын үзгәртүне дә телгә алды.

10:26 9.2.2015

Татарстан китап нәшрияты турында сүз китте. 2014 елда 135 исемдә китап басылган, гомум тираж 356 мең данә булган. Китап тарату эше авыр булганлыгын белдерә Зарипов. Һөнәри осталыкны арттыру кирәклеген дә әйтә. Татарстанда дәүләт телләрен үстерү програмы нигезендә ТНВда "Туган телне өйрәнәбез"нең эфирга чыга башлавын да телгә алды.

2015 елның әһәмиятле вакыйгаларын саный. Җиңүгә 70 ел, Су спортының дөнья чемпионаты. "Гади ел түгел, ничек тә ерып чыгарбыз", дип тәмамлый сүзен Зарипов.

дәвам

фикерләрне күрсәт

XS
SM
MD
LG