Accessibility links

якшәмбе, 4 декабрь 2016, Казан вакыты 21:38

Mәскәүгә Җиңү парадына Сербия гаскәрләре килә


2014 елдың октябрендә Белградны Кызыл армия азат итүнең 70 еллыгы уңаеннан хәрби парад

2014 елдың октябрендә Белградны Кызыл армия азат итүнең 70 еллыгы уңаеннан хәрби парад

Сербия президенты Томислав Николич үзе белән "Җиңүчеләр парадына" Сербия армиясен дә алып киләчәген хәбәр итте.

Сербия президенты Мәскәүдә 9 май үтәчәк Җиңү парадында катнашу ниятен белдерде, дип хәбәр итә президентның матбугат хезмәте.

"Сербия президенты Томислав Николич Мәскәүнең Кызыл мәйданында 2015 елның 9 маенда үтәчәк "Җиңүчеләр парадында" Сербия армиясенең катнашуы турында карар кабул итте", диелгән бу белдерүдә.

Билгеле булганча, АКШ президенты Барак Обама, Германия канцлеры Ангела Меркель, Британия премьер-министры Дэвид Кэмерон, Европа Шурасы рәисе Дональд Туск, шулай ук Швеция премьер-министры, Польша, Словения, Словакия, Грузия һәм Болгарстан президентлары 9 май парадына килүдән баш тартты.

Меркель Мәскәүгә 9 майда түгел, ә парадның икенче көнендә Русия башкаласына килеп Кремль дивары янындагы билгесез солдат каберенә сугышта һәлак булганнар истәлегенә чәчәк салырга җыена.

XS
SM
MD
LG