Донбасста солых урнаштыру төркеменең очрашуы Минскида 6 майда узачак. Бу хакта үзбилгеләнгән “Донецки халык республикасы” башлыгы Денис Пушилин белдерде.
Аның сүзләренчә, очрашуда Украина көнчыгышында низагны туктату өчен булдырылган төрле төркемнәрнең эшләрен башлау мәсьәләсе каралачак. Минскига шулай ук Лугански халык республикасы вәкилләре дә чакырылган.
Өч яклы төркемгә Украина, Русия һәм Европада Иминлек һәм хезмәттәшлек оешмасы вәкилләре керә.