Accessibility links

шимбә, 3 декабрь 2016, Казан вакыты 14:40

Lufthansa Самар, Түбән Новгород һәм Внуковога очышларын туктата


Lufthansa очкычлары

Lufthansa очкычлары

Русиядә билетларга ихтыяҗ кимү сәбәпле Европадагы һава ширкәтләре кайбер шәһәрләргә очышларын туктата.

Көз башында Lufthansa Самар, Түбән Новгород һәм Внуковога очышларын туктата. Бу һава ширкәте Мәскәүдәге Домодедово һава аланына һәм Петербурга гына очачак.

Lufthansa 31 августтан башлап Внуковога, 6 сентябрьдән Самарга һәм 7 сентябрьдән Түбән Новгородка очмаячак. Ширкәт бу хәлне икътисад белән бәйле дип аңлата. "Без бөтен дөньядагы очышларның керемле булуын тәэмин итәргә тиеш. Икътисади хәл үзгәрер дип өметләнәбез", дип белдергән "РИА-Новости"га Lufthansa-ның Русия һәм БДБ илләре директоры Аксель Хилгерс.

Европадагы һава ширкәтләре икътисади кыенлыклар сәбәпле Русиягә очышлардан баш тарта. СSA-Czech Аirlines Русиядә билетларга ихтыяҗ кимү сәбәпле Уфага һәм Пермьгә очышларны бөтенләй туктатты. Шулай ук чех һава ширкәте быел Прага-Казан, Прага-Калининград очышларын башламакчы иде, әмма бу нияттән дә алар вакытлыча баш тартырга булган.

XS
SM
MD
LG