Русиядә халык фикерен белешү үзәге (ВЦИОМ) АКШның Пенсильвания университетындагы Аннерберг коммуникацияләр мәктәбе белгечләре белән русияләрнең интернетка мөнәсәбәтен тикшерде.
ТАСС хәбәр итүенчә, фикер белешүдә катнашканнарның 49%ы интернетта цензура кирәк дип белдергән. 58% илдә тотрыксызлык булса интернетны өзүгә әзер. Бары тик 11% кына интернетта үзгәрешләр кирәкми дигән.
Фикер белдерүчеләрнең 73%ы дәүләт хезмәткәрләре турында негатив мәгълүмат интернетта булырга тиеш дип саный. 42% русияле башка дәүләтләр интернетны Русиягә каршы куллана дип әйткән.