Accessibility links

сишәмбе, 6 декабрь 2016, Казан вакыты 08:50

Кырым Җәмигъ мәчете юл хәрәкәтенә киртә булачак, ди рәсмиләр


Җәмигъ мәчете төзелеше тирәсендәге дивар, 27 сентябрь

Җәмигъ мәчете төзелеше тирәсендәге дивар, 27 сентябрь

Кырым төзелеш һәм архитектура министрлыгы белдерүендә, Акмәчеттә төзеләчәк Җәмигъ мәчете тирәсендә машина тыгыннары барлыкка киләчәк, диелгән.

Акмәчетнең Ялта урамында әле төзелмәгән мәчеткә карата Кырым хөкүмәтендә ризасызлык белдерелде.

"Чираттагы киңәшмәдә Акмәчет-Ялта юлында дини бәйрәмнәр вакытында тыгыннар булдырмас өчен машина кую урыннары турында сүз булды. Мәчет төзелгәч бу юлда тыгыннар барлыкка киләчәк", диелгән белдерүдә.

Корбан бәйрәме көнендә Кырым хакимияте һәм мөфтият вәкилләре Кырымның иң зур мәчете булачак Җәмигъ мәчетенә нигез салды. Аны өч ел эчендә төзергә ниятлиләр. Өч һектар мәйданда мәчет, Мөфтият бинасы, кунак йорты, имам йорты, тәхәрәтханә һәм административ корылма булачак. Мәчет үзенә дүрт меңләп кешене сыйдырачак. 2012 елда Җәмигъ мәчете торачак урын билгеләнгәндә аның төзелешенә акчаны Төркия бирәчәк дип игълан ителгән иде.

фикерләрне күрсәт

XS
SM
MD
LG