Accessibility links

дүшәмбе, 5 декабрь 2016, Казан вакыты 05:34

Анкарада Русия илчелеге каршында Кырымда кеше хокуклары бозылуына протест үтәчәк


2014 елның 10 декабрь фотосы, Анкара

2014 елның 10 декабрь фотосы, Анкара

10 декабрь Кеше хокуклары көнендә Төркиядәге Кырымтатар Мәдәнияте һәм ярдәмләшү үзәге Анкарада урам җыены уздыра.

Бүген Анкарада җирле вакыт белән көндезге 1дә Русия илчелеге каршында Кырымда кеше хокуклары бозылуына протест белдерер өчен урам җыены оештырыла. Төркиядәге Кырымтатар Мәдәнияте һәм ярдәмләшү үзәге дөньяда Кеше хокуклары көне билгеләнгәндә Кырымда татарларның хокуклары бозылуына битараф калмыйча халыкны җыенда катнашырга чакырды.

Узган елның 10 декабрендә узган чарада Кырымтатар үзәгенең 25 бүлекчәсеннән 500ләп кеше катнашты. Кырымның үзендә мондый җыенны уздырырга рөхсәт ителмәде. Февраль аенда Төркиядәге 40тан артык кырымтатар оешмасы бер платформага берләшеп эшли башлады.

XS
SM
MD
LG