Accessibility links

якшәмбе, 11 декабрь 2016, Казан вакыты 17:03

Башкортстан "Полиэф" ширкәте хиссәләрен сатты


Башкортстан хөкүмәте "Полиэф" җитештерү ширкәте хиссәләренең үз карамагында булган 17,5 процентын "Сибур" һолдингына сатты. Хәзер "Полиэф" тулысынча "Сибур" кулына күчә. Республика башлыгы Рөстәм Хәмитов бу килешүдән килгән 500 миллион сумның социаль проектларга тотылачагын белдерде. Икътисади кризис шартларында республиканың 2016 елгы бюджеты 7,8 процент, ягъни 10 миллиард сум дефицит белән кабул ителгән иде. "Полиэф"ны сату шушы дефицитны капларга ярдәм итәчәк. Хәмитов "Полиэф" хиссәләренең республика өчен бик әһәмияте булмаганлыгын белдерә. "Полиэф" хәзер җитештерүне зур тизлек белән арттыра баручы ширкәт. Хәзер ул бар Русиядә пластик ясауда кулланыла торган полиэтилентерефталат базарының 70 процентын яулап алган.

XS
SM
MD
LG