Хөкүмәтләрдән бәйсез халыкара Transparency International оешмасы 168 урыннан Русиядә коррупция күрсәткечен 119 урында билгеләде. Узган ел ул 136 урында иде. Димәк быел Русиядә коррупция күрсәткече бераз кимегән. Русия белән беррәттән Азәрбайҗан, Гайана, Сьерра-Леоне бара.
Хокук яклаучылар беренче өч урынны Дания, Финляндия, Швециягә бирде. Аларда коррупция юк дәрәҗәсендә. Исемлектә иң түбән күрсәткеч Әфганстан, Төньяк Корея һәм Сомалида. Алар 166-167 урында.
Элекке СССР илләреннән иң яхшы күрсәткеч Латвиядә. Барлыгы - 55 балл. Иң түбәне Төркмәнстанда - 18 балл.
Берлинда теркәлгән бу оешма белгечләр һәм эшмәкәрләр фикерен белешү нигезендә әзерләнгән мондый хисапларны ел саен булдырып килә.
