Accessibility links

сишәмбе, 6 декабрь 2016, Казан вакыты 05:56

Казандагы "Милли" чәчәкләр студиясенә бер ел тулды


Нәкъ бер ел элек Казанда "Милли" дип аталган чәчәкләр студиясе ачылган иде. Бу студия чәчәк бәйләмнәрен үзенчәлекле бизәлештә тәкъдим итә: гөлләмәләр милли бизәкләр төшерелгән тасмалар белән җыела.

Теләгән кешегә чәчәкләргә өстәп татарча открыткалар да сатып алырга була. Аларда татар шрифты кулланылып, төрле котлау сүзләре язылган.

Студиянең урнашу урыны да “милли” – тарихи Печән базары урыны. Студия Казан буйлап чәчәк бәйләмнәре китереп бирү хезмәтен дә күрсәтә. Заказны дөньяның теләсә­ кайсы иленнән биреп була. Аның тарихи урында, Казанның элеккеге милли сәүдә үзәгендә – атаклы Печән базарында урнашуы һич тә очраклы түгелдер. Бу барлык үзенчәлекләр оешмабызны шундый горур исем – “Милли” исеме белән атарга этәргеч бирде”, ­ ди студияне оештыручыларның берсе Айрат Фәйзрахманов. Айрат - тарих фәннәре кандидаты. Әмма ул гыйлем, сүз, фикер белән генә түгел, эшмәкәрлек белән дә милләткә файда, кешеләргә матур сервис күрсәтергә теләвен әйтте.

Студиядә бер ел эчендә 2 500 чәчәк бәйләме ясалган, 130 пар никахлашкан.­­ Хәйриягә җыелган акчалар яман шеш табылган кечкенә балага операция ясарга җибәрелгән һәм­ операция уңышлы узган, малай терелеп килә икән.­Чәчкәләргә күбрәк Чехия, Германия, Казакъстан, Башкортстан, Мәскәү, Чаллы, Буа һәм Мамадыш шәһәрләреннән заказ бирәләр.­ Берничә милли сувенир Америкага җибәрелгән. Өч клип төшерелгән.

фикерләрне күрсәт

XS
SM
MD
LG