Русиянең Икътисади үсеш министрлыгы үзенең яңа проектында кризис чорында халыкның хезмәт хакларын арттырмаска киңәш итә. Проект өлгесенә сылтаманы "Коммерсант" бастырып чыгарган.
Икътисадны 4.5% үсешкә җиткерү максатына ирешү өчен халыкның керемен һәм сатып алу мөмкинлекләрен киметергә кушылган. 2016-2017 елларда эш хакын арттырмаска, 2018-2019 елларда аның өчен өстәмә акча бирергә планлаштырыла. Пенсияләрне 2016 елда 4.8%, 2017 елда 2% киметеп, алдагы елларда инфляциягә карап арттырырга дип тәкъдим ителә.
"Коммерсант" язуынча, бу очракта 2018 елда ярлылар саны 14% булачак. Статистикаага караганда, 2015 елда Русия халкының кереме 4% кимегән.