Уфадана каплап алган томан биредә яшәүчеләрне шомга салды. Моңа ачык кына аңлатма булмау сәбәпле төрле имеш-мимешләр тарала. Күпләр аны узган атна ахырында "Уфанефтехим" нефть эшкәртү корылмасында булган янгын белән бәйли, шәһәргә химик матдәләр таралган булырга мөмкин дип борчыла. Синоптиклар бу томан Урал артындагы урман янгыннарының төтене булырга мөмкин дип фаразлый.