Accessibility links

чәршәмбе, 7 декабрь 2016, Казан вакыты 00:55

Камилә Шәймиева белән Мөслимә Латыйпова Forbes рейтингыннан төшеп калган


Камилә Шәймиева (с), Мөслимә Латыйпова, Гүзәлия Сафина (у)

Камилә Шәймиева (с), Мөслимә Латыйпова, Гүзәлия Сафина (у)

2015 елда Шәймиева белән Латыйпова Forbes рейтингының 9 һәм 14 урыннарда иде

Татарстанның беренче президенты оныгы Камилә Шәймиева һәм “Бәхетле” кибетләре челтәре хуҗабикәсе Мөслимә Латыйпова быел Forbes журналы төзегән Русиянең иң бай хатын-кызлар исемлегенә кермәгән.

2015 елгы рейтингта Шәймиева белән Латыйпова 9 һәм 14 урыннарда иде. Былтыр Forbes Шәймиеваның байлыгын 190 млн доллар, Латыйпованыкын – 135 млн доллар дип билгеләгән булган.

Быел Татарстаннан Forbes рейтингында бер генә хатын-кыз калган. Ул – ТАИФ оешмасының баш мөдир урынбасары Гүзәлия Сафина. 145 млн доллар дип исәпләнгән байлыгы белән Сафина 13 урында тора (былтыр – 430 млн доллар белән 3 урында иде).

Русиянең иң бай гаиләләре исемлегенә Forbes журналы Татарстанның беренче президенты уллары Айрат һәм Радик Шәймиевларны кертте. Бертуганнарның байлыгы 1,7 млрд доллар белән исәпләнә һәм алар 5нче урынны били.

XS
SM
MD
LG