Октябрь ахырында ул балалар өчен татарча спектакльләр куячак.
23 октябрьдә Антуан де Сент-Экзюпериның Разил Вәлиев тәрҗемә иткән “Кечкенә принц” әсәре, 30 октябрьдә Абдулла Алишның “Сертотмас үрдәк” әкияте нигезендә спектакльләр уйналачак.
Спектакльләрнең реҗиссеры – Казан театр училищесында һәм “Нур” студиясендә актерлык осталыгына өйрәтүче Марсель Мәхмүтов. Проект җитәкчесе – Татарстанның Театр эшлеклеләре берлеге белгече, Казан театр училищесы укытучысы Әдилә Хәйбуллина.
"Нәни принц"ның премьерасы март аенда узган иде. Төп рольләрне Казан мәктәпләрендә укучы балалар башкарды.
