Accessibility links

сишәмбе, 6 декабрь 2016, Казан вакыты 21:01

Анталия белән Кемер арасында өч ракета шартлады


Анталия Төркиянең тыныч шәһәрләренең берсе иде

Анталия Төркиянең тыныч шәһәрләренең берсе иде

Төркиянең Анталия белән Кемер шәһәрләре арасында балык эшкәртү фабрикасының бер корылмасын өч ракета җибәреп шартлатканнар дип хәбәр итә төрек матбугат чаралары.

Беренче мәгълүматларга караганда, ракеталар таулардан диңгезгә атылган. Бу вакытта су юлы буйлап танкер узган булган. Ракеталар җирле балык экшәртү фабрикасының бер корылмасына эләккән.

Вакыйга урынына полиция, ашыгыч ярдәм машиналары һәм шартлату техникасы белгечләре килгән.

Шартлау нәтиҗәсендә беркем дә зыян күрмәгән. Ике шәһәр арасында автомобиль юлы вакытлыча ябылып торган.

Анталия – курорт-шәһәр, күп туристларның, шул исәптән русияләрнең дә яраткан ял итү урыны. Ул гадәттә тыныч шәһәр булып санала иде.

Быел җәй Төркиядә хәрби фетнә омтылышы булган вакытта да Анталиядә хәлләр тыныч калды.

XS
SM
MD
LG