Accessibility links

шимбә, 10 декабрь 2016, Казан вакыты 10:09

7 ноябрь Татарстан дәүләтчелеге тарихы музеенда Татарстан конституциясенең 24 еллыгына багышлап “Акыл фабрикасы” лекторий уздыра.

Лекторий кысаларында “Татарстан моделе нәрсә ул? Республика Конституциясенең үткәне, бүгенгесе һәм киләчәге – ул нинди?“ дигән сорауларга җавап эзләү, халыкара тәҗрибә турында фикер алышу планлаштырыла.

“Республика нигезләре: Декларация, референдум, Конституция. Татарстан Конституциясе ничек төзелде?” темасына җәмәгать эшлеклесе, 1999-2003 елларда Дума депутаты Фәндәс Сафиуллин чыгыш ясаячак.

Академик, тарих фәннәре докторы Индус Таһиров “Татарстан моделе нәрсә ул? Федераль үзәк белән килешү төзү - сөйләшүләр, альтернативалар, фактлар” темасын күтәрергә җыена.

Чараны оештыручы, Татар яшьләре форумы рәисе урынбасары Айрат Фәйзрахманов Азатлыкка лекторийның максаты - Конституцияне актуальләштерү, аның кабул итү тарихы, үзгәреш этаплары турында белем тарату, диде. “Татарстан моделе дигән төшенчә турында фикер алышу, киләчәге турында уйлашу кирәк безгә”, ди Фәйзрахманов.

фикерләрне күрсәт

XS
SM
MD
LG