4 ноябрь Русиядә милли бердәмлек көне бәйрәм ителгәндә Казандагы Рус мәдәнияте җәмгыяте һәм аның җитәкчесе Юрий Щеглов йөзендә "Рус җыены" православ-консерватив оешманың Казан бүлеге "Татарлар һәм рус дөньясы идеологиясе" дигән түгәрәк өстәл оештырды. Чарага рус һәм татар милли хәрәкәте вәкилләре, рус оешмасы белән хезмәттәшлек итүче православ руханилар һәм мөселманнардан мөфти урынбасары килгән иде. Чараның исеме каршылыклы итеп куелса да, хисле, кайнар бәхәсләр көтелсә дә, сөйләшү шактый тыныч, конструктив рухта үтте. Азатлык өч сәгать дәвам иткән чарада яңгыраган иң кызыклы фикерләр белән танышырга тәкъдим итә.