АКШ җитәкчелеге Европада якынлашып килүче Раштуа һәм Яңа ел бәйрәмнәре вакытында терактлар булу куркынычы турында искәртә.
АКШ Дәүләт департаменты “Ислам дәүләте" һәм “Әл-Каида” (Русиядә тыелган) сугышчан төркемнәр Европада терактлар ясарга җыена дигән хәбәр барлыгын белдерә. Америка ватандашларына туристлар күпләп йөри торган урыннарда, траспортта сак булырга кушыла.
Документта соңгы елларда Бельгия, Германия, Төркиядә исламчы экстремистлар тарафыннан кылынган һөҗүмнәр турында искә төшерелә.
Узган ялларда француз полициясе террор һөҗүмнәре әзерләүдә шикләнелгән җиде кешене тоткарлаган иде.
