Accessibility links

якшәмбе, 11 декабрь 2016, Казан вакыты 03:27

Tatarstannıñ iärçen kanalı çittäge millättäşlärgä yöz tota


Yaña yıl kiçendä, Qazandağı, Tatarstandağı millättäşlärgä, Televizor yärdämendä niçek küñel açarğa, nindi tamaşalar qararğa mömkin ide. «Yaña ğasır» sputnik kanalı üzeneñ yaña yıl programması turında aldan uq, gäzitlärgä xäbärlär taratıp, iğlannar bastırdı. Mäsälän, Tatarstannıñ sputnik kanalı üzeneñ tamaşaçıların «Yaña yıl säfäre» digän tapşırunı qararğa çaqırıp qaldı. Anı Xäniä Färxi häm Röstäm Zakirov alıp baraçaq häm anda böten dönyadan kilgän millättäşlär qatnaşaçaq, dip iğlan itelde. Ä yaña yıl başlanğaç, Tatarstannıñ üz kanalı, bersennän berse qızıq tapşırular kürsätergä wäğdä itkän ide. 31nçe dekaber kiçendä, «Yaña yıl säfäre» programması efirğa çıqtı. Anda Rusiä, Çit illärdän kilgän millättäşlärebez qatnaştı. Bıyıl kanal çittäge millättäşlärgä televizor qarawçılarına yöz totarğa bulğan. Tapşıru, «Piramida» üzägendä töşerelgän ide. Törle töbäklärdän kilgän millättäşläräbez ayırm-ayırım öställär artında utırdı. Alıp baruçılar, öställär yanına kilep, qunaqlarnı söyläşterde, tamaşaçılarnı alar belän tanıştırdı. Üzenä kürä tatar kongressı buldı bu. Bu tapşıruda mäsälän, Mäskäwdän Roza Xabibbulina, Hel’sinkidan Cämilä, üzen Mäskäw häm inde Berlin yegete itep tanıştıruçı Aydar Ğäynullin cırların başqardı, tamaşa kürsätte. Yıraqtağı millättäşlärdän, Berlindağı tatar cämğiäte, videotasmağa yazıp cibärgän sälämnären citkerde. Pragadağı tatar mäxälläse dä, Tatarstanlılarnı yaña yıl kilü belän qotladı. Tapşıruda canlı söyläşü dä, cır, yumor da buldı. Ämma, şul uq waqıtta, federal kanallarda, Rusiäneñ iñ popülär artisları, cırçıları qatnaşlığında, kölkele, cırlı-biüle tamaşaları bardı. Ber kanalda Alla Pugaçeva, ikençendä - Maksim Galkin kebek Rusiädä ütä dä populär şäxeslär qatnaşlığındağı tapşırular bardı. Tatarça tamaşa andıy uq, Rusiä küläm tanılğan pop-cırıçılar häm başqa populär şäxeslär belän maqtana almasa da, anıñ da üz tamaşaçıları bulğan. Mäsälän Qazanda yäşäwçe Fäüziä apa fikerençä, yaña yıl programmasında aña cırlar citmäde, tapşırunıñ citdiräk buluın, bilgeläp ütte ul. Ul, gomumän, tatar tamaşaçılarına tatarça tapşırular citmi, dide. «Tatarstan» kanalı da, üzenä birelgän, ber niçä efir säğätendä, yaña yıl qotlawların kürsätep aldı. Bu «Tatarstan»ğa birelgän efir säğäte 10ğa tämamlanğanğa kürä. Prezident Mintimer Şäymievnñ urısça-tatarça çığışı da 10 tulğanda kürsätelde. «Yaña ğasır» kanalı üzeneñ tamaşaçılarına ul waqıtta yaña yıl programmasın täqdim itkän ide. Federal kanallarda isä, ul waqıtta yılnıñ iñ populär cır konsertları bardı. Uqlar 12gä citkändä, Mäskäw kanallarındağı tamaşalar, tağı da köçäyıp kitte. Mintimer Şäymiev «Yaña ğasır» kanalında 12 tularaq söyläde. Annan soñ, Rusiä Prezidentı Rusiälelärne bäyräm belän qotladı. 10 könlek yal könnärendä, Tatarstannıñ sputnik kanalı, 1000 yıllıq waqıtında çığış yasağan «Scorpions» törkemeneñ konsertın, xokkey häm Basketbol uyınnarın qaraw belän küñel açarğa täqdim itä.

XS
SM
MD
LG