Accessibility links

чәршәмбе, 7 декабрь 2016, Казан вакыты 19:34

Razil Wäliev - “Bez äni belän ber köndä tuğanbız!”


Tanılğan şağir, Däwlät şurası deputatı Razil Wälievnı ä'läp tabu bik ciñel bulmadı. Yaña yıl bäyräme uñayınnan däwlät oyışmaları eşlämi. Xalıq yal itä.Östäwenä, bu könnärdä Razil äfändeneñ tuğan köne dä. Bez şaltıratqanda ul öyendä ğailäse belän yal itä ide. Bäyrämnär könnäre bulğanğa Razil äfände belän äñgämäne ğädäti sorawlardan başladıq -2006 yılnı kem belän qarşıladığız soñ? -Ul inde bezneñ ğädätkä kergän, yolağa äwerelde. Här yılnı tuğannarıbız belän bergä cıyılabız. Menä bıyıl da 15 tuğan-qardäş küñelle itep yaña yılnı qarşı aldıq. -Sezneñ ikelätä dä bäyräm tügelmäle? -Ber moğciza bulğandır inde ul. Minem tuğan könem äniemneke belän ber könne. Min anı bäyräm itkändä dä äniemneñ tuğan köne dip bäyräm itä idem. Qızğanıç, xäzer änkäy yuq dönyada… Üzemneñ tuğan könne kübräk uylanıp utıram. Şiğerlär yazam. Ämma läkin uylandıra, östäl yanına utırıp, yäki uramda aq qarnı yırıp uylap yöri torğan kön bu minem öçen. -2005 yıl nindi xatirälär belän istä qaldı? -2005 yıl minem öçen genä tügel, böten Tatarstan, Qazan xalqı, ğomumän böten tatar milläte öçen Qazannıñ 1000 yıllığı belän tarixqa uyılıp qalğandır dip uylıym. Ä inde min millätneñ ber balası bularaq şuşı bäyrämne üzem öçen iñ zur bäyräm itep qabul ittem. Döres, anı qabul itep betermäçelär dä bar. Mäsälän sezneñ radioda eşläwçe Cämdixanov üzeneñ soñğı çığışında ul bäyrämne ğadiläşterep äytte. Min anıñ belän kileşmäs idem, çönki Qazannıñ 1000 yıllığı ul tatarnı dönyağa kürsätüçe bik tä äybät forsat buldı. Turıdan-turı bu waqiğalarda qatnaştım. Qazannıñ 1000 yıllığı aldınnan Tatarstan respublikası belän Rossiä arasında wäkälätlär büleşü buyınça ozaq söyläşülär buldı. İnde ike aradağı şartnamäçäneñ proyektı äzerlänep däwlät sovetı tarafınnan qabul da itelde. Xäzer ul Rossiä däwlät dumasına, prezidentına cibärelde. Min monı şulay uq zur waqiğa. Bu eşlärdä minem dä öleşem kerde. Ä inde şäxsän üzemä kilgändä, soñğı waqıtlarda kübräk säyäsät belän şöğellänsäm dä, töp eşem yazuçılıq, icat eşe. Ütkän yılda berniçä kitabım dönyağa kilde. Balalar öçen “Mäğärif” näşriätendä “Görläwek” isemle kitabım basıldı. Distä yıllar buyına cırlar yazam, 100 cır kergän cıyentıygıym dönyağa çıqtı. Anı “Tatneft'”neñ “Ruxiät” fondı çığardı. Alarğa min zur räxmätläremne citkeräm. -Niçek uylıysız, 2006 yıl Tatarstan öçen tatarlar öçen nindiräk yıl bulır ikän? -Tatarstan qulda kilgän qädär üzeneñ möstäkıyl' säyäsäten alıp barırğa tırışa. Ä inde xalıqnıñ ruxi tormışına kilgändä min anı hiçşiksez yaxşı bulırğa tieş dip uylıym. 30 dekaberdä Tatarstan prezidentı 2006 yılnı ädäbiät-sänğat yılı itep iğlan itü turında Färman çığarğan. Çönki 2006 da Tuqay, Cälil, Natan Raxlin olı yubileyları häm şulay uq G.Qamal isemendäge Tatar däwlät akademiä teatrı oyışuğa 100 yıl tula. Ukazğa kürä Tatarstanda mädäniät häm sänğat yılında bula torğan çaralarnı oyıştıru öçen maxsus komissiä tözeläçäk. Häm sänäğät oyışmaları da çittä qalmasqa tieş bula. Däwlät Şurasınıñ Fän, mäğärif, mädäniät häm milli mäs’älälär komitetı räise deputatı Razil Wäliev älege prezident färmanı turında menä närsälär söyli: - Cälilneñ 100 yılqı yubiley citep kilä. Anıñ operasın cırlarlıq, “Altın çäçne” cırlarlıq cırçılarıbız yuq. Opera teatrı prodyuserlıq üzägenä qaytıp qala. Ul bezneñ cırçılarıbıznı da tärbiälärgä tieş. Uyladıq-uyladıq ta aldağı utırışlarıbıznıñ bersendä mädäniät-sänğat mä’säläsen alğa quydıq, şul yunäleştäge programmanı qararğa buldıq. Balalar baqçasınnan başlap, mäktäplärdä yuğarı uqu yortlarında yunäleşle eşlär başqarılaçaq. Tel belän milli muzıka ayaqta nıq basıp torsa. minemçä millätneñ totrıqlılığı tağuında nığır ide. Röstäm İsxaqi

XS
SM
MD
LG