Accessibility links

шимбә, 3 декабрь 2016, Казан вакыты 20:41

Başqortstan Et yılına ayaq bastı


2006 yılnıñ könären dä çüpli başladıq. Yaña yıl könçığış kalendare buyınça Et yılı. Döres, Et yılı 22 ğinwardan ğına başlana. Şulay buluğa qaramastan, yıl simwolı, yıl bilgese bulğan et iğtibar üzägenä mende. Respublikada bu xaywanğa bäyle nindi waqiğalar bar?

Uzğan yıldan başlap Ufada yort xaywannarı öçen qunaqxanä açıldı. Anda etlär öçen 16, mäçelär öçen 15 maxsus bülmäçeklär bar. Ul berwaqıtta da buş tormıy. Bu şäxsi qunaqxanä.

Ufada yort xaywannarı öçen maxsus zirat ta bar. Bügenge köndä anda 270 mäxluq cirlängän. Monda cirläw öçen 1000 sum tülärgä kiräk. Qoşlarnı cirläw öçen 100 sum. Älege ziratta küpçelege etlär qäberläre. Mondıy qunaqxanä häm ziratlar respublikada başqa yuq.

Respublikadağı iñ qimmätle et Amerikädan qaytarılğan çaw-çaw toqımınnan bulğan et. Anı tulı iseme - Lore-Peterlan-Piana-Men. Ul 2000 dollar tora.

Respublika prezidentı Mortaza Räximov Et yılında tuğan. Yortında et totmıy. Premier-ministr Rafael Baydäwlätovnıñ alman ovçarkası bar. İseme - Uran. Premier etenä Yaña yılğa sağız büläk itkän. Etlär öçen eşlängän bu sağıznı ul uzğan yıl axırında Helsinkidan alıp qaytqan bulğan.

Yıl başı belän bäyälär sikerä. 1 ğinwardan tramway-trolleybuslarda yörügä bäyälär arttı. Xäzer alarda yörü öçen 6 sum tülärgä kiräk. Fevräl başınnan elektrğa bäyälär artaçaq. Yıl başınnan kommunäl xezmätlär öçen dä bäyälär sikeräçäk.

Tağın da küñelsez yañalıqlar - yanğınnar yışaydı. Säbäbe - bäyrämnärdä xämer diñgezendä qoyınu. 31 dekäbr respublikada 10 yanğın bulğan, alarda 2 keşe yanıp ülgän. 1 ğinwar 24 yanğın çıqqan, alarda 9 keşe yanıp ülgän. Bäyrämnär däwam itä, bäs, şulay bulğaç, qalğan könnärdä dä mondıy “uñış” az bulmas dip kötärgä kiräk.

Yaña yıl belän, duslar!

Mönir Wafin, Ufa

XS
SM
MD
LG