Accessibility links

якшәмбе, 11 декабрь 2016, Казан вакыты 03:20

Fälästindä saylaw aldı kampaniäse başlandı


Ramalla -- Bügen Fälästin cirlärendä saylaw aldı kampaniäse başlandı. Prezident Mäxmüt Abbasnıñ Fatah xäräkäte anı Könbatış yarda başladı. Premier-ministr urınbasarı Nabil Şaat kiläse parlament saylawların "tarixi forsat" dip atadı. Hamas törkeme tarixında berençe saylaw aldı kampaniäsen Gaza sızığında başladı, häm 25 Ğinwarğa bilgelängän saylawlarnı kiçektermäskä çaqırdı. "Saylaw aldı kampaniäsendä qatnaşıp bez saylawlarnıñ ütergä tieşlegenä basım yasıybız. Fälästin krizis kiçerä, saylawlar anı çişügä yul aça. Saylawlar kiçekterelsä krizis köçäyäçäk kenä. Fälästin xalqı säyäsi wazğiätneñ üzgärüenä moxtac," di Hamas süzçese Sami Äbü Zuhri. Düşämbedä prezident Abbas, ägär Izrail Könçığış İerusalemda tawış birüne tıysa, saylawlarnı kiçekterü ixtimalın äytkän ide. Elegräk İzrail üzeneñ tıyuın saylawlarda Hamas qatnaşuı belän añlatqan ide. Bu törkem İzrailgä qarşı höcümnär oyıştıruda ğäyeplänä. Könçığış İerusalemda tawış birü mäsäläse äle xäl itelmägän.

XS
SM
MD
LG