Accessibility links

дүшәмбе, 5 декабрь 2016, Казан вакыты 13:29

Gazprom nizağı Yevropanı alternativ energiä çığanaqları ezlärgä mäcbür itä


Gazpromnıñ nindi genä säbäptän bulmasın Ukrainağa aqqan gaznı yabıp quyuı Yevropada şunduq yagulıqnıñ kimüenä şulayuq açu häm qurquğa säbäp buldı . Sonğı waqıyğä Russiäneñ ışanıçlı energie täminatçısı digän imicinä zian kiterde, şulayuq yevropalılarğa salqın suğış zamanındağı naçar xätirälärne iskä töşerde. Gaz krizisı Yevropanı alternativ çığanaqlar ezlärgä mäcbür itä, alar ışanıçlımı soñ?

Bügen Brüsseldä Yevropa Berlegenä äğza illärneñ energiä ministırları Rusiä belän Ukrainanıñ gaz nizağın üzaralarında xäl qıluların xuplap çıqtı. Ämma qayberäwlär Rusiägä energiä täminatçısı dip ışanu yaxşı eş tügel dide Berlekneñ energiä komissarı Andris Piebalgs mätbuğat oçraşuında,

Yevropa energiä täminatında açıq berdäm berbersenä bäylängän säyäsät alıp barırğa tieş.Bügen energiä täminatında här il üze öçen genä uylıy , çınbarlıqta bez Yevropa külämendä mönäsäbät kürsätergä tieş.

Berlekneñ älege prezidentı Avstriänıñ iqtisad ministrı Martin Bartenstein şuluq press konfrensiädä Avstriä 6 aylıq prezidentlığı waqıtında energiä iminlegenä töp ähämiätne biräçäk dide. Yevropanıñ in zur iqtisadına iä Almanya tabiğıy gaznıñ öçtän ber öleşen , Polşa 60% ä Finländiä Baltıyq illäre , üzäk häm könçığış Yevropa bu mäsälädä tämam Mäskäwdän bäyle. 2006nçe yıl başlanğannan birle könbatış mätbuğatı Yevropa Mäskäw ütkärgeçlärennän qotılırğa tieş digän mäqalälär , komentarlar belän tulğan. Ämma bu bik ciñel eş tügel Döres yevropada küp kenä illärdä tabiğıy gaz bar häm xäzer produksiäne arttıru öçen tırışlıqlar da arttı.Yevropada gaz tikşerüläre belän şägellängän Cambridge Energiä Berläşmäse citäkçse Simon Blakey

Älbättä Yevropa çeltärenä quşılmağan alternativ çığanaqlar bar.Alarnıñ kübese tikşerelä, tabıla Kaspi töbäge gazı, Mısır gazı misal öçen ul yordaniä,Süriä aşa Törkiägä kiläçäk ,alarnıñ hämmäse sonğı çiktä Yevropa çeltärenä quşılaçaq

Älbättä bu çığanaqlarnıñ Yevropa çeltärenä quşu öçen yaña ütkärgeçlär tözelergä tieş. Yaña transit illär .. Ütkän könnärdä bulğan kebek gaz nizaqları xasıy bula ala dip söyli Blakey.

Şunlıqtan Germaniä Baltıyq Dingeze töbännän ütäçäk Rusiä gazın turıdan turı Almanyağa totaştıraçaq bäxäsle ütkärgeçne tözü turında Mäskäw belän kileşte. Ämma bu Almanyanıñ kürşese Polşanıñ çittä qaldırıldıq dip açuın çığardı. Qayber illär tabiğıy gaznı nıq suıtıp LNG yäğni sıyıqça gaz xälenä kiterep neft kebek tanker , kimälär belän taşunı uylıy başladı. Şulay itep bu Qatar Aljir kebek dingez belän bäyleneşe bulğan illärneñ turıdan turı gaz bazarına kerüenä yul aça.Blakey qaraşınça Amerika LNGnı in küp satıp alğan il bulaçaq .Yevropa istiğmalçıları AQŞ belän yarışa almıyaçaq , satuçı il quyğan şartlarnı qabul itergä tieş bulaçaq. Başqa ber mömkinçelek isä atom energiäse Çernobıl bälä qazasınnan soñ Yevropada atom energiäse külägädä qaldırılığan ide. Germaniä kebek illär bu energiädän aqırınlap vaz kiçä, eraktorların yaba başlağan die. Ämma bu könnärdä Germaniädä atom energiäse yañadan köntärtibenä mende. Finländiä älege köndä Dönyanıñ in zur atom reaktorın tözi. Anda cämäğätçelek Rusiä energiäsennän bağlı buludan qotılırğa teli , reaktornıñ tözelüen yaqlıy.Ämma Yevropanıñ başqa illärendä xalıq atom energiäsenä närsä äyter mikän.? Berlekneñ energie komissarı Piebalgs ägär dä Yevropa tışqı dönyadan bäyle bulırğa telämi ikän energiäne ekonomiälärgä yaña energiä çığanaqları täräqi itergä tieş dip söyli färidä xämit
XS
SM
MD
LG