Accessibility links

якшәмбе, 4 декабрь 2016, Казан вакыты 13:14

Rusiä belän Ukraina gaz mäsäläsendä kileşte


Mäskäw -- Rusiä belän Ukraina gaz bäyäse mäsäläsendä kileşügä ireşte. 5 yılğa tözelgän kileşü nigezendä Rusiäneñ Gazprom kompaniäse Rusiä gazın (meñ kubometrın 230 dollarğa) RosUkrEnergo dip atalğan aradaşçı şirkätkä sataçaq. Bu şirkät Rusiä gazın arzanraq Üzäk Aziä gazı belän qatnaştırıp, Ukrainağa (meñ kubometrın 95 dollarğa) sataçaq. İke yaq ta kileşü belän qänäğät qaluın belderde. Ukraina premier-ministrı Yuri Yexanurov Ukraina bu nizaqtan sabaq aldı dide. "Bezneñ öçen bu citdi sabaq buldı. Rusiäneñ bazar mönäsäbärlärenä küçü taläbe urınlı, bez monı qabulitäbez. Yewropa xartiäse nigezendä gaz bazarı liberalläşä, bez gaz qullanunı kisken kimetergä tieş bulabız," di Ukraina premierı. Yexanurov süzlärençä, Ukrainanıñ Naftogaz kompaniäse yaqın aylarda RosUkrEnergo şirkäte belän bergä yaña urtaq şirkät töziäçäk. İreşelgän kileşü nigezendä Ukraina aşa tranzit bäyäse (100 çaqırımğa) 1 dollar 9 centtan 1 dollar 60 centqa kütärelä.

XS
SM
MD
LG