Bad Reichenhall -- Bavariäneñ bu şähärendä tübäse işelgän şuğalaq qaldıqları astında bügen ber xatın-qıznıñ qäwdäse tabıldı. Şulay itep, qaza näticäsendä qorban bulğannarnıñ sanı 14kä citte. Tağın ber qıznıñ qäwdäsen ezläw däwam itä. Şähär başlığı Wolfgang Heitmeir, faciğä öçen ğäyeplelärne ezlärgä aşıqmasqa çaqırdı. "Bu wazğiättä tizräk ğäyeple-cawaplını tabu teläge añlaşıla. Minemçä, älegä bez bar sorawlarğa cawap birerlek xäldä tügel. Monıñ öçen waqıt kiräk. Aldağı atnalarda bu bezneñ töp eşebez bulaçaq," di şähär başlığı. Şuğalaq tübäse düşämbedä köçle qar yawğannan soñ işelde. Bu waqiğa Germaniädä cämäğät binalarınıñ iminlege mäsäläsen kön tärtibenä quydı.
