Accessibility links

Almira Adiatullina üz aldına aña maqsatlar quya


«Möslimä» xatın-qızlar oyışması başlığı Almira Ädiätullina, bu könnärdä «Azatlıq» radiosına şaltıratıp, üze citäklägän oyışmanıñ aldağı yılğa eş planı belän tanıştırdı. Almira Aidatullina Qol Şärif mäçete yanınnan sıraxanäne aldıruğa ireşkän, pasport räsemenä yawlıq kiep töşü öçen köräşkän cämäğät eşleklese bularaq ta bilgele. Şuña da, älege oyışmanıñ eş plannarı iğtibarnı cälep itä. Alğa taba Almira xanım nindi maqsatlar quya. Möselam xatın-qızlar oyışması, soñğı utırışların ütkärgändä, alğa taba 3 zur eşne bilgeläp quyğan. Alarnıñ berse, Qazannıñ Mäskäw rayonında, «Söyembikä» mäçeten buldıru. Ul mäçetkä bez nigez salğan, taş quyğan ide, dide ul. Älege oyışma wäkilläre şulay uq, Qayum Nasiri uramındağı 10nçı yortqa, Şiğabedtin Märdcäni yäşägän yortqa iğtibarnı cälep itä. Anıñ äytüenä qarağanda, bu bina cimerelü xälendä. Täräzäläre qoyılğan, ramnarı süsärgän, basqıçları tuzğan. Märdcäni näsele däwamçısı Sufiä xanım, anda Märdcäni muzeyın oyıştırırğa xıyallanıp yörgän ide, ämma xäzer inde ülep kitte, dip söyläde Almira xanım. «Möslimä» oyışması, xäzer başqa täqdim kertä. Märdcäni yäşägän yortnı torğızıp, anda islam etnografik muzeyın oyıştırırğa, di. Möselman xatın-qızların borçığan tağın ber mäs’älä, ul da bulsa, «Gosmaniä» möselman mäktäbeneñ kiläçäk yazmışı. Älege urta mäktäpne, xakimiätlär, dönyawi mäktäpkä quşarğa teli ikän. Möslimälär, bu balalarnıñ bik äxlaqle bulıp üsüen kürep, mäktäpneñ şul kileş saqlansıp qaluın teli. Älege möräcäğätne, «Möslimä» xatın-qızlar oyışması citäkçese, şähär häm respublika xakimiätlärenä taratıp çıqqan. Alardan bu mäs’älälärdä nindi reaksiä bulır, älegä bilgele tügel. Tatarstanda ale 10 könlek yallar betmägän.

XS
SM
MD
LG