Accessibility links

пәнҗешәмбе, 8 декабрь 2016, Казан вакыты 19:09

Törkiädä qoş kizüennän 2 üsmer ülgän


Ankara -- Törkiädä qoş kizüennän 2 üsmer wafat bulğan dip xäbär itelä. 14 yäşlek Mehmet Koçyeget häm anıñ 15 yäşlek apası Fatıma könçığıştağı Van qalasınnan. Dönya Sälämätlek Oyışması wäkile Günäl Rodier süzlärençä, alarda H5N1 virusı tabılğan. Bu çirdän Aziä illärendä 70tän artıq keşe wafat bulğan. Törkiädä – berençe oçraq. Näq şundıy simptomnarı bulğan tağın berniçä keşe xastaxanägä kiterelgän. Yewropa komissiäse süzçese Michael Mann, bez Törkiädäge xällärne iğtibar belän küzätep barabız, dide. Komissiä, Yewropanıñ Awırular Kisätü Üzäge häm Dönya Sälämätlek Oyışması belän bergä wazğiätne iğtibar belän küzätep bara. Törkiädän qoş-qort kertüne tıyğan, uzğan yılnıñ Üktäberendä kertelgän tärtip älbättä köçendä qala, di Michael Mann. Älege virusnı "kiek qoşlar" tarata dip sanala. Törkiä alarnıñ küçep yörü yulında urnaşqan. Soñğı 3 ayda ilneñ ike urınında zararlanğan qoşlarnıñ küpläp ülüe küzätelde.

XS
SM
MD
LG