Accessibility links

сишәмбе, 6 декабрь 2016, Казан вакыты 05:55

Ör-yaña mäçet – Qorban bäyrämgä büläk


Qorban bäyräm aldınnan häm şuşı bäyräm däwam itkän könnärdä Başqortstanda ör-yaña 4 mäçet üz işeklären açaçaq. Bu xaqta Başqortstan möselmannarı diniä näzaratı räise, möfti Nurmöxämät Niğmätullin xäbär itte. Şul mäçetlärneñ berse 6 ğinwar könne Qaltası rayonındağı Krasnoxolm awılında açıldı da inde.

Qorban bäyräm aldınnan oyıştırılğan şuşı tantanağa Ufadan da küp kenä din ähelläre bardı. Bu awılda moñarçı mäçet yuq ide. 3 meñnän artıq tatar yäşägän bu awılda mäçetne tözetü niäte belän küptän çıqqannar ide. Ämma älege dä bayağı aqça bulmıy torğan. Äle yarıy millätneñ buldıqlı häm bay ulları bar. Şuşı awılda tuıp üskän, bügenge köndä Nijnevartovskida eşläwçe Älzäm häm anıñ Qaltasıda yäşäwçe enese Damir Nizametdinovlar bu eşkä üzläre alınğan häm aña küpçelek matdi yärdämne dä üzläre bülgän. Ä awıl xalqı quldan kilgänçä üz yärdämen kürsätkän. Şulay itep 11 ay digändä qızıl kirpeçtän ör-yaña Xoday yortı tözelep tä betkän. Mäçetneñ ğibädät qılu zalı beryulı 70 keşene sıydıra ala. Bıyıl biredä mädräsä dä açarğa cıyınalar. Anda 35 din qärdäş belem alaçaq.

XS
SM
MD
LG