Astana -- Qazaxstan prezidentı Nursoltan Nazarbaev Qazaxstan gimnı köyen häm süzlären üzgärtergä qarar itte. Yaña gimn – 1950nçe yıllarda yazılğan "Minem Qazaxstan" dip atalğan cır bulaçaq. Nazarbaev anıñ süzlärenä üzgäreş kertkän, häm xäzer gimn avtorlarınıñ berse sanala. Üzgäreşlären añlatqanda, Nazarbaev, gimn "Qazax bäysezlege öçen ğasırlar buyı barğan qaharmança köräşne" çağıldırırğa tieş dide. Yaña qanunğa kürä gimnnı ayaq ürä basıp, uñ qulnı kükräkneñ sul yağına quyıp tıñlarğa kiräk. Bügen deputatlar bu qanunnı qabul itte. 16 yıl xakimiättä torğan Nazarbaev Dikäber ayında tağın 7 yılğa prezident itep saylandı.
