Brüssel. Yewropa komissiäse bügen, Törkiä könçığışında qoş-qortlarnı ütergän virus ülemle H5N1 şäkelendägese, monı Britaniädä ütkärgän testlar rasladı, dip belderde. Törkiäneñ Van wilayätendä qoş kizüe yoğuda şiklänelgän 32 keşe xastaxanädä yata, anda inde şuşı zäxmättän ülüçelär dä bar. Bügen anda Dönya Sälämätlek saqlaw oyışması wäkilläre kilergä tieş ide, ämma alar şul säfären irtägägä qädär kiçektergän.
