Tähran. İran häm Rusiäneñ iminlek wäkilläre bügen ike il arasında uran bayıtu öçen maxsus urtaq şirkät qoru turında söyläşülären yañarttı. Alar kiçä dä bulğan ide, ämma anda urtaq qararğa kilenmäde. Bügenge söyläşülärne isä İrannıñ tışqı eşlär ministrlığı wäkile Xämit Reza Asefi uñay yünäleştä dip bäyäläde. Mäskäw Tähranğa, İrannıñ atom programması öçen kiräk bulğan urannı bayıtunıñ şul urtaq şirkät tarafınnan, ämma Rusiä cirendä alıp barıluın täqdim itä.
