Accessibility links

пәнҗешәмбе, 8 декабрь 2016, Казан вакыты 10:54

Yana yul qağidäläre yäki keşe ğömeren saqlawğa ber omtılış


İldä yıl sayın 30 meñnän artıq keşe ğömere yul häläkätlärendä özelä. Ä tağın 250 meñ keşe yulda törle däräcädäge travmalar ala. Bu qotoçqıç kürsätkeçlärne tiz arada ğına töşerep bulmıy. Yullar tözätü, infrastrukturanı yaxşırtu protsessı yıllar däwamında bara. Ämma yul bilgeläre, svetoforlar mäs’äläse belän bügen ük şöğellänergä bula. Yul xäräkäte iminlegen saqlaw Departamentı yaña yıldan yaña qağidälär kertte.

Xäzer maşina yörtüçelär yulda yörü räweşen üzgärtergä tieş bula. Yulnı qısqartmasqa, aldan kisätmiçä borılmasqa, ixtiac bulmasa tawış signalın qabızmasqa, zebrada keşelärne ütkärep cibärergä häm başqalar, häm başqalar. Ämma bu qağidälär maşina yörtüçelär öçen yañalıq tügel, älbättä. Alar uzğan yılda da, annan aldağı yıllarda da qabul itelgän. Läkin bitaraflar öçen yäşäw öçen möhim bulğan bu qağıydälär dä, Departamentnıñ yaña yılda kertkännäre dä nipoçem, älbättä.

Çinovniklar kertkän iñ möhim qağidä isä balalar tormışın saqlawğa yunältelgän. 12 yäştän keçkenäräkläre maşinada maxsus urında - balalar utırğıçında ğına yörergä tieş. Avariälärne kimeter öçen şähär artında, xätta köndez dä qabızılğan farı belän genä yörergä röxsät itelä xäzer. Monnan tış şoferlarğa öç distägä yaqın yaña bilgene üzläşterergä turı kiläçäk. Alarnıñ berse genä tıyuçı bilge. Tışqı qiäfäte belän ul “Tamojnya” häm “Opasnost'” digän bilgelärne xäterlätä. Ämma bu süzlär urınına anda “Kontrol'” dip yazılğan. Bilge yul-patrul' xezmäte postları yanında quyıla, dimäk, şoferlar bu urınnan tuqtap ütärgä tieş. Kisätüçe bilgelär öçäw. Alardan maşina yörtüçelär öçen “İskusstvennaya nerovnost'” digännäre ayıruça ähämiätle. Ägär qızıl öçpoçmaq eçendä ber-ber atlı baruçı öç maşina suräte kürsägez, bu bilge alda “böke”lär xasil bulırğa mömkin digänne añlata.

Maşina yörtüçelärne bu bilgelär belän, yaña qağidälär belän niqädär tanış buluın häm ütäwen tikşerergä buldıq.

- Tırışam inde ütärgä, älbättä! 12 yäştä balalarğa rul'gä utırırğa

yaramıy, ä maxsus utırğıçlar alar barı tik bik keçkenä balalar öçen bulırğa tieş. Başqaların bik belmim. Bu temağa qağılışlı yazmalar, tağın mäğlümat bulır äle. Öyränerbez.

- Minemçä, yaña yul bilgelären kertkänçe, yullarnı tözätergä kiräk ide. Häm maşina yörtüçelär az ğına bulsa da iğtibarlıraq bulsa, bälä-qazalar küpkä azraq bulır ide. Qızğanıç, bezneñ yullarda ber-bereñne ixtiram itü digän närsä ğomumän yuq. Monı min xatın-qız bularaq tügel, ä ğomumän äytüem. Xatın-qız äle ul iğtibarlıraq yöri, çönki härwaqıt diärlek yanında balaları utıra.

Al'bina Zäynulla

XS
SM
MD
LG