Accessibility links

якшәмбе, 4 декабрь 2016, Казан вакыты 07:07

Sulçılar uram cıyını uzdırdı


9 ğinwar uzğan zur bulmağan uram cıyınında 20gä yaqın keşe qatnaştı. Küpçelege - pensionerlar. Çara Rusiä pensiälär fondınıñ Başqortstan bülekçäse binası qarşında uzdı. Çara aldınnan anı oyıştırğan “Sul front” xäräkäte başı Yüriy Zernovnı militsiä söyläşügä çaqırdı. Ul röxsätsez uram cıyını ütkärüdä ğäyeplände. “Baş”sız torıp qalğan törkemdä berniçä keşe şiğer söyläde häm şunıñ belän çara tämamlandı da. Älege çara “Sul front” xäräkäten täqdim itü dä bulırğa tieş ide. Aña çaqırıp ike meñnän artıq listovka taratılğan. Şulay buluğa qaramastan, xalıq “front” belän qızıqsınmıy bulıp çıqtı. Älege xäräkät uzğan yıl axırında oyışqan ide. Ul üktäber ayında Mäskäwdä oyışqan şundıy xäräkätneñ bülekçäse bularaq tözelde. Bügenge köndä Rusiäneñ tuğız töbägendä şundıy xäräkätlär bar. Frontçılarnıñ töp maqsatı - sotsialistik qimmätlärne qaytaru, SSSRnı tergezü.

XS
SM
MD
LG