Accessibility links

сишәмбе, 6 декабрь 2016, Казан вакыты 08:57

Heorhiy Gongadzenı üterü mäxkämädä tikşerelä


Bügen Ukraina başqalasında 2000nçe yılda jurnalist Heorhiy Gongadzenı üterüdä ğäyeplängän eçke eşlär ministrlığınıñ elekke 3 xezmätkäre östennän xökem eşe başlanğan ide, soñınnan utırışnıñ 23nçe ğinwarğa qädär kiçekterelüe xäbär itelde. Ğäyeplänüçelärneñ berse utırışta añın yuğaltıp yığılğan. Valery Kostenko, Mykola Protasov häm Oleksandr Popoviç Kievnıñ appelyasiä mäxkämäse aldına bastı. Utırış başında uq tuğan kierenkelekne kimeter öçen xäkimä İrina Grigoryeva 45 minutqa tänäfes iğlan itte. Utırışta şulay uq xäzer AQŞta yäşägän Gongandzenıñ tol xatını Miroslava da qatnaşa. Jurnalistlarğa, Miroslava Gongadze, ireneñ üleme öçen çınnan da cawaplı bulğannarnı äle tabılmağan, dip belderde:

"Çirattağı adım – bu cinäyätne oyıştıruçılarnı xökemgä tartu bulaçaq. Alarnı belälär, häm alar bügen törmädä utırğannar kebek ük üz cäzasın alırğa tieş."

Cinäyättä ğäyeplänüçe elekke eçke eşlär ministrı general Oleksiy Pukaçnı äle dä ezlilär. Ukrainada küplär üterüne şul çaqtağı prezident Leonid Kuçma oyıştırğan dip sanıy. Kuçma monı kire qağa.

XS
SM
MD
LG