Accessibility links

Кайнар хәбәр

Törkiä ir atı könçığış Yevropa xatın qızın faxişälektän qotqardı


Bügenge xatın qızlar säxifäsendä ir-atnı, bigräk tä Törkiä faxişxanälärendä köçläp eşlätelgän xatın qıznı qotqarğan törek ir atın maqtap söylämäkçebez. Sonğı 6 ayda 100 çaması xatın alarnıñ zur öleşe Ukraina, Moldova , Rumıniä yäki Russiädän- faxişxanälärdän qotqarılıp öylärenä qaytarılğan.Xalıqara Migratsiä Oyışması(İOM)Dönyada keşe säwdäsenä qarşı köräşep kilä.Alarnıñ Törkiädä başlatqan kampaniä ber qayda da bulmağan qädäre uñışlı buldı.Xalıqara mätbuğatta taralğan uñış xabärlären Xalıqara Migratsiä Oyışmasınıñ Ankara bülege dä rasladı.

Törkiädä xoquq saqlaw organnarı xatın qıznı nıq yaqlıy , alarğa simpatiä belän qarap yardäm itä dip äytep bulmıy Ämma yıl azaqlarında törek politsiäseneñ bordel, faxişxanälärdän xatın qıznı qotqaru turındağı uñışların xalıqara mätbuğatta da yazdı. Sonğı 6 ay eçendä 100 xatın alarnıñ zur öleşe Ukraina, Rusiä, Rumıniä kebek illärdän törek politsiäse tarafınnan sex qollığınnan qotqarılğan. Keşe säwdäse belän şägellängän 10çeltär yuqqa çığarlığan. Bu näticägä ireşüdä BMO xalıqara Migratsiä Oyışmasınıñ(İOM) başlatqan 6 ay däwam itkän kampaniä zur rol uynadı. Bu turıda bez ütkän yıl urtalarında mäxsus tapşıru da yasağan idek. Kampaniä çiklärdä başlandı. Çiktän kergän eleke kommunistik il xatın –qızına pasport tikşerü urınnarında telefon nomerı yazılğan mäxsus broşura pasport eçenä quyıldı.Anda rusça, Törkiä sineñ xoquqlarına xörmät itä Ägär dä beräw sinen pasportnınnı alıp, iregennän mäxrüm itsä buşlay bulğan 157 nomerğa şaltırat dip yazılğan ide . Hava maydanı, portlarda keşe säwdäse turında plakatlar elende yardäm sorap şaltıratuçılarğa rus, ukrain tellerendä söyläwçe operatorlar cawap birde İOMdan Selin Ünal bolay dip söyläde:

keşe säwdäse qorbanı xatın qıznıñ qotqarıluı öçen yardäm itüçelärneñ 74-75% irlär ide. Çınlap ta taläp çığanağı bulğan ir at bu oçraqta qorbannarnı qotqaruçı rolendä . Bu bezneñ öçen kötelmägän närsä buldı.Yevropada keşe säwdäsenä qarşı köräş alıp baruçı illärneñ bersendä dä andıy xäl bulğanı yuq. här 4 xatınnıñ 3seneñ qotqarıluında Törkiädä ir at rol uynadı

Bez bu eştä üzebezneñ eşçänlekneñ faydası buldı dip qarıybız. Bez Törkidä xalıqqa keşe säwdäsen tämam başqa yullar belän añlattıq, bigräk tä kiñ küläm mätbuğat çaraların qullandıq, ''nindi genä eş bulmasın sex xezmäte, öydä xezmät itü, bala qarau , keşe telägenä qarşı mäcbürlap eşlätü , ber äyber kebek alınıp satılu , sezne töp xoquqlardan mäxrüm itü bula, keşene sex industriäsendä mäcbürlap eşlätü keşe xoquqların in tupas räweştä bozu bulıp tora dip bik nıq añlatırğa tırıştıq .. menä şul mäsälä xalıqqa añlatılğaç, sex xezmäte alu öçen faxişxanägä barğan beräw dä , anda eşlägän xatınnarnıñ üz teläge belän tügel ä mecbüri räweştä eşlägänen añlap , politsiägä şaltıratuı, bezneñ öçen bik zur uñış bulıp tora .Çönki bez keşe säwdäse, keşeneñ qorban buluın xalıqqa añlatıp citkergänbez digän süz bulıp tora. Törek xalqı öçen bik matur küreneş,alar tübänsetelgän keşegä yardäm qulın suza. Bik küplär xatın qız qotqarılğannan soñ da bezgä şaltıratıp öylärenä qaytarıldımı , bilät alırğa aqçaları barmı, bulmasa bez tülibez dip qat qat şaltıratuçılar buldı . Başqa illärneñ ürnäk alaçaq xäl. Taläp çığanağı bulğan ir at keşene qotqaruçı saqlap qaluçı rolenä küçä. dip söyläde Xalıqara migratsiä Oyışması xezmätkäre Selin Ünal.

Sonğı 6 ayda 100 xatın qıznıñ faxişxanädän qotqarılıp illärenä qaytaru, keşe belän säwdä itkän 10çeltärne cimerü çınlap ta bik zur uñış. İOMnıñ Törkiä başlığı Marielle Lindstrom da ütkärgän press konferensiädä bez monı Yevropada ber qayda kürmädek dip söylägän .Britan basması İndependent yazuına kürä 1990.nçe yıllarda Törkiäneñ tönge klub , gazino , yal urınnarın yaulap alğan Rusiä faxişäläre Törkiädä Nataşa iseme belän yöretelä. Alar keşe säwdäse qorbanı tügel. Ä migrant sex xezmätkäre- profesional.Şuşı Nataşalarğa iläşkän törek faxişxanä klientları, yaxşıraq eş, kübräk aqça ezläp çit ilgä kitergä telägän ämma keşe säwdägärläreneñ qorbanı bulğan xatın qıznı tizlektä ayırdı älbättä. 31 yäşlek moldovalı ber xatın qız Antalyada üzen qotqaruçılarğa, mine Veysel isemle beräw hava alanında qarşı alğaç ta pasportımnı alıp mine awılğa alıp kitte. , Pistoletne başıma quyıp, süz tıñlamasan qıynayaçaq, üteräçäkbez dip kisätep mine ber yortqa yabıp quydı häm anda klientlar kiterde dip söylägän Britan gazetası İndependendkä. färidä xämit
XS
SM
MD
LG