Accessibility links

пәнҗешәмбе, 8 декабрь 2016, Казан вакыты 05:15

Törkiäneñ kürşeläre qoş kizüennän saqlanu çaraları kürä


Qoş kizüeneñ keşegä küçü waqıyğäläreneñ Törkiädä artıp baruı anıñ kürşesendäge illärneñ çiklären yabuına häm üz territoriälärendä centekläp tikşerülär ütkärüenä säbäp bula.Ärmänstan, Azärbaycan, Gruziä häm İran qoş kizüenä qarşı köräşü öçen äzerleklär alıp bara . Rusiä isä Azärbaycan häm Gruziä çigendä kontrolne nığıtıp, watandaşların Törkiägä yalğa barmasqa çaqıra.

Doğubeyazitta ber ğailäneñ 3 balası H5N1 virusın yoqtırıp fani dönyadan küçep kitte .İskitärlek närsä şul ki äle dä şul awılda tawıqlar baqçada yögerep yöri. Awıl xalqınıñ 90% tauq häm başqa qoş qort belän yäşi .Van vilayäte Törkiäneñ in yarlı urınnarınnan berse , tauq , ürdäk küplär öçen açlıqtan qotılunın yulı. Küp närsä yuğaltaçağın belgän xalıq arasında panika arta bara. Doğu beyazıt mere Rauf Ulusoy Reutersğa küp keşelär tauqların qoşların yäşerä, alar xökümätneñ kompensatsiä wäğdäsenä ışanmıy. Vetarinarlarğa yalğan söyläwçelärgä 100lira 75 dolar ştraf salaçaqbız dip söylägän . Premyer Recep Tayip Erdoğan düşämbedä töreklärne häm xalıqara cämäğätçelekne xökümät wazğiätne kontrol itä dip ışandırırğa tırıştı

Sälämätlek saqlau häm Awıl xucalığı ministırlığı kiräk bulğan barlıq çaralarnı kürä. Krizis üzäge oyıştırıldı. Küpertelgän belderülärgä iqtibar itmägez.

Ämma ministırnıñ şuşı süzläreneñ ber faydası da yuq, çınbarlıq şul ki Törkiädä qoş kizüe virusın yoqtırğan 14 keşe xastaxanälärdä yata häm baytaq keşe tikşerelä. Virus Qara Dingez , başqala Ankara tiräsenä şulayuq İstanbul bistäsendä tabılğan , qoş kizüennän ülgän tauqlar buluı belderelä. Şunlıqtan Törkiä kürşeläreneñ arta barğan räweştä qurqu eçendä bulularına şaqqatmasqa kiräk. İran yäkşämbä könne Törkiä belän çiklären yabuın belderde. Ärmänstan, Azärbaycan häm Gruziä Törkiädän qoş qort importın tıydı. Ärmännärneñ xäle bigräk tä ayanıç çönki Doğubeyazıt çiktän berniçä çaqırım ğına yıraqta urnaşqan.Ärmänstan awıl xucalığı ministırlığınıñ veterenariä xezmäte başlığı Grigor Baghian

bez kiräkle xakimiätlärgä Törkiädän kilüçelärneñ bagajların kontrol itergä ilgä ber genä yomırqa ber genä tauq qaurie kertmäskä digän kürsätmä birdek

Çik buyında yäşäwçe yarlı ärmännär çirat üzlärendä dip qurqa. Ütkän atnada Vosketap awılında unnan artıq tauq ülgän ide. Veterenar kilep tikşergänçe xalıq qurqu panikağa birelgän ide. Ämma 12 tauq başqa çirdän ülep kitkän.

Grigor Bahian Ärmänstanda qoş kizüe bulmayaçaq digän buş wäğdälär birep utırmıy Ul bolay di:

Ärmänstanda älegä qoş kizüe virusı tabılmadı.Ämma kürşe illärdäge xällär bezne häväfle zona xälendä qaldırdı. Ul çir irtägä yäki irtägädän soñ monda bulaçaq.

Şuluq kündermäne Azerbaycan Däwlät Veterenarie xezmätläre başlığı İsmail Xasanov ta qabatlıy Ul Törkiägä çiktäş Naxçivan töbägendä

Veterinariä xezmätläre çiklärdä bik intensiv eşli, dezenfeksiäli, küp itep desenfeksiä maddäläre, mäxsus kiemnär dezenfeksiäläw cihazların äzerlädek dip söyläde

Bolarnıñ berse dä Yevropa Komissiäseneñ düşämbe belderüen tuqtatu öçen citärle bulmadı. Komissiä Törkiägä çiktäş Gruziä, Ärmänstan Azärbaycan Süriä İran häm Ğıraqtan qoş qort häm qoş mamığı importın tıydı. Rusiä isä Gruziä belän Azärbaycan çigendä kontrolne nığıttı . Russiä watandaşların Törkiägä barmasqa çaqırdı. Rusiäneñ başsanitar tabibı Gennadi Onişçenko:

Ni öçen bu bezne borçıy, berençedän çiklärneñ yaqınlığı. İkençedän ğıynuar ayında keşelärdä normal grib nıq artaçaq , territoriäbezdä H5N1 virusınıñ cäyelä başlauın kürmi qalu qurqınıçı bar .

Älegä virusnıñ keşedän keşegä küçü waqıyğäse raslanmasa da belgeçlär, virusnı yoqtıruçılar sanının artuı anıñ mutatsiälänep epidemiägä äylänü qurqınıçın artıra dip kisätä .Ul çaqta millionnarça keşe häläk bulaçaq färidä xämit.
XS
SM
MD
LG