Accessibility links

җомга, 9 декабрь 2016, Казан вакыты 20:28

Rusiä İrannıñ belderüen borçılu belän qabul itte


Rusiä İrannıñ atom eşçänlegen yañartaçağı turındağı belderüen borçılu belän qabul itte. Rusiä tışqı eşlär ministrı Sergei Lavrov, Mäskäw Tähran belän söyläşülärne däwam itäçäk, dide. Lavrov İrannı atom tikşerülären däwam itmi torırğa çaqırdı. İran räsmiläre tikşerenülär däwam itäçäk, ämma atom qoralı citeşterelmiäçäk, dip belderde. Ämma bu belderü AQŞ häm Yevropa Berlegeneñ täñqitenä duçar buldı. Xalıqara atom idaräsendäge AQŞ wäkile Gregory Schulte, jurnalistlarğa, İran xezmättäşlek urınına qarşı toru yulın saylıy, dide. Javier Solananıñ matbuğat wäkile Cristina Gallach, İrannıñ bu ğämälen – "yalğış yünäleştä yasalğan adım" dip bäyäläde. Waşingtonnıñ, Tährannıñ maqsatı – atom qoralın citeşterü, dip sanıy. İran, atom programması barı tik tınıç maqsatlarda däwam itteräçäk, dip belderä.

XS
SM
MD
LG