Accessibility links

якшәмбе, 4 декабрь 2016, Казан вакыты 23:23

Dönya Sälämätlek Saqlaw Oyışması Törkiäneñ qoş kizüenä qarşı kürgän çaralarnı uñay bäyäläde


Bügen Qıtayda ike keşeneñ qoş kizüennän ülgäne bilgele bulsa da Dönyanıñ iqtibarı Törkiädä. Anda awıl cirlärendä qoş-qort arasında çir nıq taralğan. 15keşe virusnı yoqtırğan häm ike bala älegäçä H5N1 virusı belän çirläp ülde. Läkin eşneñ qızığı şunda Törkiädä virus yoqıtırıp xastaxanädä yatqan keşelärneñ qayberlärendä xästälekneñ bernindi dä simptomnarı kürenmi.Şwed ğalimnäreneñ Vietnamda ütkärgän yaña tikşerü bälkim dä çir keşelär arasında kübräk taralğandır ämma uylanğannan yomşağraq simptomnar kürsätä digän fiker tudıra

Gülten Yeşilırmaq Törkiädä qoş kizüe virusı raslanğan sonğı keşe bulıp tora. Sivasta xastaxanädä yatqan Gülten virusnı belgeçlär fikerençä çirle tauqlarnı yalan qul belän totqan öçen yoqtırğan. Gülten xanım bolay dip söyli

Ülgän tauqlarımnı yalan qul belän totıp çüpkä taşladım .Şunnan soñ tamağım awırta başladı temparatura nıq kütärelde , qatı baş awırtuı däwam itkäç xastaxanägä kildem

Törkiädä ike tuğan qoş kizüe belän çirläp ülde.Öçençe tuğannın närsädän ülüe älegä bilgele bulmasa da, şuluq ğailäneñ 4.çe balası isän sau sırxauxanädän çıqtı .Bu ülem waqıyğäse könçığış Azidän çittä bulğan berençe waqıyğä.Bügen Qıtay dikäber ayında ike keşeneñ tağı H5N1 virusı belän çirläp ülüen xabär itte. Dönya Sälämätlek Oyışması mäğlümätenä qarağanda älegäçä 78 keşe bu çir belän ülde. Dönya Sälämätlek Oyışması Törkiädä ütkärgän tikşerülärdän soñ bügen mätbuğat oçraşuında ilneñ qoş kizüenä qarşı köräştä kiräkle çaralarnı kürüen beldersä dä ul kürşe illärneñ qurqınıç astında buluın belderde. Törkiägä kilgän WHO missiäse belän citäklägän Guenael Rodier süzlärençä:

Töbäktä awıl cirlärendä Törkiädä genä oxşaş xäl bulğan illärdä çirneñ häm xäyvän häm keşelärgä küçü potensialı bar.Bu keşe häm xäyvännärne nıqlap küzätü, qarap baru şulayuq çirne kontrol öçen kiräkle çaralar kürelüen taläp itä.

Törkiä yıraq könçığış tışında qoş kizüeneñ häm keşe häm qoşlarda ber yk waqıtta kürelgän häm ilneñ könçığışınnan Vannan-Aydınğa könbatışına qädär şunduq taralğan berençe il b ulıp tora. H5N1 virusı tabılğan 4 häm 5 yöşlek ike tuğan Ankara xastaxanäsendä küzätü astında. İke balada da xästaläkneñ ber nindi simptomnarı kürenmi. Dönya Sälämätlek oyışmasınnan Rodier şuşı ike bala keşeneñ çirgä birgän cawapnı küzätü öçen bik siräk şans bulıp tora dide. NYT gazetası yazmasına qarağanda , tabiplar . ällä balalar çirneñ bik başlanğıçındamı ällä H5N1 här waqıt ta bik yaman näticälärgä alıp barmıy digän sorau aldında tora Şuşı mömkinçelek Şwed belgeçläreneñ äle yaña ğına Vietnamda ütkärgän häm AQŞ meditsina jurnalında basılıp çıqqan tikşerüdä dä äytelä. Stockholmnıñ Karolinska İnstitutı belgeçläre , çir bälkim dä keşelär arasında uylanğannan kübräk cäyelgän häm simptomnarı bälkim dä yomşağraq di.Tikşerenüne alıp barğan Dr Anna Thorson moñı raslaw öçen kübräk tikşerergä kiräk di .Ul näticälär häm yaxşı häm naçar xabär di

Yaxşı xabär şul ki H5N1 virusı bik küp xisaplarda äytelgänçe här waqıt bik awır xästälekkä säbäp bulmıy . naçar närsä isä H5N1 virusınıñ başqa inflenza virusına quşılıp mutatsiälänüe yäki yaña tör kübräk yoğışlı ciñelçä taralğan virusqa äylänü ixtimale bar dip söyli Dr Thorson

Belgeçlär küptännän birle qoş kizüe virusınıñ keşedän keşegä küçä torğan millionnarça keşene ütergän yaña tör virusqa üzgärü ixtimale turında kisätep kilä. Törkiä kürşesendäge illär törle çaralar belän çirneñ taraluına qarşı köräşergä äzerlänä. Bügen Rusiä Duması süzçeseneñ urınbasarı Vladimir Jirinovski isä küçmä qoşlarnı üterergä çaqırdı. Bügen ul Dumada

Qoş kizüe añlarğa tieşsez, Rusiägä qarşı.Ul kürşe töbäklärdä ide, xäzer isä 70 million keşe yäşägän Törkiädä.Mart ayında küçmä qoşlar monda kire qaytaçaqlar.Alar Törkiädän Qara Dingez aşa qayta . Bez xökümätne qoşlarnıñ qaytuın tuqtatırğa mäcbür itergä tieş.Qoşlar tönyaqqqa oçmasqa ,alar könyaqta tuqtatılırğa tieş. Sotçidän Qırımğa qädär barlıq ir at, xärbilär küçmä qoşlarnı atarğa , qoşlar torğan cirlärendä qalırğa tieş. Bu mäzäk tügel dip söyläde V.Jirinovski färidä xämit
XS
SM
MD
LG