Accessibility links

якшәмбе, 11 декабрь 2016, Казан вакыты 13:10

Nursoltan Nazarbayev yañadan Qazaxstan prezidentı buldı


Qazaxstan prezidentı Nursoltan Nazarbayev, tağın ber 7 yıllıq möddätkä kereşep ant kiterde. Nazarbayev, uzğan ayda saylawlarda ciñüe – xalıqnıñ anıñ ildä alıp barğan totrıqlılıq häm iqtisadi üseş säyäsäten yaqlawın kürsätte, dide. 4 dikaberdä uzğan saylawlarda Nazarbayev tawışlarnıñ 91%tın aldı, könbatış küzätüçeläre näticälärne qanunsız dip atadı. Nazarbayev Qazaxstan belän inde 16 yıl citäkçelek itä. Üz çığışında prezident maqsatların bilgeläde, häm alarnıñ berse – Üzäk Aziä eçendä xezmättäşlek, dide ul: "Üzäk Aziädäge iñ yaqın kürşelärebez belän xezmättäşlekkä ayırım iğtibar biräbez. Min, töbäkneñ iminlege öçen yaqın xezmättäşlek taläp itelä dip ışanam." Nazarbayev şulay uq Rusiä, Qıtay, Amerika Quşma Ştatları, Yevropa Berlege häm möselman illäre belän xezmättäşlekne däwam itäçägen äytte. İnaugurasiä tantanasında Rusiä, Üzbäkstan, Qırğızstan, Taciqstan, Äfğanstan, Görcistan häm Ukrainanıñ ilbaşları, başqa yuğarı räsmi wäkillär qatnaştı.

XS
SM
MD
LG