Accessibility links

шимбә, 10 декабрь 2016, Казан вакыты 21:41

Yevropa Parlamentı Ukraina belän Rusiä arasındağı gaz kileşüe belän qızıqsına


Brüssel ütkän atnada Rusiä belän Ukraina arasındağı gaz bäyäse nizağınıñ çişelüen xuplap çıqtı.Şulay da borçılular qala birä.Çärşämbe könne Yevropa Parlamentınıñ Ukraina wäkilçelege belän oçraşuda räsmilär Mäskäw belän Kiev arasındağı fiker ayırmalıqlarınıñ niçek xäl qılınuı turında soraştı.Oçraşuda gaz mäsäläsendä äle aradaşçı bulğan ällä ni tanılmağan RosUkrEnergo şirkäte turında soraular quyılğan kebek Rusiäneñ energie säyäsäten politik qoral itep qullanuı da iqtibar üzägendä tordı

2005nçe yıl azağında Ukraina belän Rusiä arasındağı gaz nizağı waqıtnda Yevropa Komissiäse endeşmi tordı. İke il arasındağı mäsälä digän mönäsäbät kürsätsä dä Yevropağa gaz tapşırıluı 1.ğıynuarda normal däräcägä qaytqaç räxäträk sulış alğandır.Komisiäneñ endäşmäwçänlege añlaşıla .Çönki energie täminatçısı bularaq Rusiäneñ ähämiäte arta ğına.Berlekkä äğza illär tışqı säyäsät, energiä säyäsäten üzläre bilgeli .Yevropa Komissiä bu eşkä qatnaşmıy. Şulay da anıñ borçıluları kürenep tora. Komissiäneñ ölkän äğzası Hilde Hardeman kiçäge oçraşuda Rusiä belän Ukraina arasındağı gaz söyläşüläre Berlekkä täsir itmäs digän ömed belderde. Yevropağa gaznıñ ber öleşe Ukraina ütkärgeçe aşa kilä. Hardeman ütkän atnadağı gaz kileşüe ozın möddättä niçek bulaçaq bilgele tügel

Bez Ukrainadan gaz transit turında 5 yıllıq kileşü tözelgänen añladıq. Ukrainağa kergän häm qullanılğan gaznıñ bäyäse öçen 6aylıq kileşü bar.Bez moñı iqtibar belän qarap baraçaqbız.

Kileşügä kürä Ukraina bıyıl 34 milliard kubameter gaz alaçaq.Här meñ kubameter öçen RosUkrEnergoğa 95 dollar tüliäçäk. RosUKREnergo gaznı Rusiä Gazpromnan , şulayuq Törkmänstan Üzbäkstan häm Qazaxstannan satıp alaçaq .Kileşü meñ kubameter öçen 95 dollar bäyäne bıyılnıñ berençe 6 ayı öçen genä garatiäläsä dä Rusiäneñ gaz transitı öçen 5yıllıq stabil bäyä bilgelänep quyılğan şuluq kileşüdä.

Yevropa Parlamentnıñ konservativ äğzası Charles Tannock Ukrainanıñ Törkmänstannnan alğan gaznıñ transitı öçen tüliäçäk bäyä älegä bilgelänmägän dip azsızıqlap kiläçäktäge aradaşçı RosUkrEnergonıñ ällä ni anıq açıq ütä kürenmäle şirkät bulmawına iqtibar cälep itte.Tannock:

Ni qızğanıç ki Gazprom barlıq mänäfäğätlären tonıq şirkätkä RosUkrEnergoğa tapşıra.Gaznı ul Ukrainağa sataçaq. Şirkätneñ 50-% yäğni yartısına Raffeisen İnternational iä .Anıñ xucaları bilgesez .Şunlıqtan Gazpromnıñ keçkenä xissä xucaları häm könbatışnıñ säyäsi dairäläre eş yäşren bulğanlıqtan säyäsi rişwätçelek mömkinçelege bar dip söyli

Rusiä başta Ukraina meñ kubameter gaz öçen 230dollar yäğni bazar bäyäse tülärgä tieş dip beldergän ide. Hardeman prinsıpta bazar bäyäsenä küçü uñay küreneş ämma bu eş aqrınlap bulırğa tieş dip äytte. Hardeman süzlärençä,

Rusiädän Ukrainağa häm alğa taba aqqan gaz öçen berençe märtäbä barter sistemasınnan bazarğa nigezlängän bäyägä küçüne küräbez. Bez moñı uñay täräqiät dip bäyälibez häm xuplıybız

Komisiä xäzer Berlekneñ mart summitı öçen Yevropanıñ berdäm energie säyäsäte turında plan ölgese äzerli.Bu Yevropanıñ Rusiä kebek energiä partnärları belän eş itüdä pozitsiäsen köçländerer ide. Hardeman Ukraina xäzer energie sektorında ciddi reformalar ütkäreregä tieş dide.Ämma Oçraşuda deputatlarnıñ küpçelege Rusiäne üzäk urında tottı. Parlamentnıñ tışqı Mäsälälär Komitetı räiseneñ urınbasarı Toomas İlves krizis-nizaqqa Rusiäneñ Ukraina belän bulğan kontraktın bozuı säbäp buldı dide. Çärşämbedäge debatlarğa qatnaşuçı parlamentarlar Rusiä energie qoralın üz kürşelärenä qarşı qullana , Yevropa Berlege moña nıq qarşı torırğa tieş dip äytte färidä xämit
XS
SM
MD
LG