Accessibility links

җомга, 9 декабрь 2016, Казан вакыты 16:37

Qazaxstan belän Rusiä arasında yaña çik buyı kileşüe


Bügen biredä Qazaxstan häm Rusiä prezidentları ike il arasındağı çik buyı kileşüenä qul quydı. Prezident Vladimir Putin älege kileşüne – "tarixi" dip bäyäläde: "Nursultan Nazarbayev belän oçraşunıñ azağında bez Rusiä belän Qazaxstan arasındağı däwlät çikläre turındağı dokumantlar belän almaştıq. Bez "tarixi" süzen yış qullanabız, anıñ mäğnäse tawşalıp ta betkänder inde. Ämma bu oçraq – ike däwlät arasındağı mönäsäbätlär öçen – tarixi waqiğa."Rusiä ilbaşı Astanağa kiçä, Qazaxstan prezidentınıñ inaugurasiä tantanasına kilgän ide. Putin häm Nazarbayev energiä häm säwdä turında söyläşte, şulay uq Yevraziä Üseş Bankın buldıru turında kileşügä qul quydı. Nazarbayev Rusiä-Qazaxstan mönäsäbätläre belän qänäğät buluın äytte, häm üzeneñ yaña 3nçe prezidentlıq möddäteneñ başında uq çit ilgä iñ berençe säfären Rusiägä qılaçağın belderde.

XS
SM
MD
LG