Accessibility links

Кайнар хәбәр

Rusiä sinagogaları iminleknı nığıtunı sorıy


Rusiäneñ yähüd oyışmaları räsmilärgä sinagogalarda iminlekne nığıtunı sorap möräcäğät itäçäklären belderde. Oyışmanıñ matbuğat wäkile Borux Gorin, kiçäge xäldän soñ yähüdlär däwlätneñ yaqlawına moxtac, dide. Kiçä 20 yäşlek Mäskäw keşese Aleksander Koptsev Mäskäw sinagogasına kerep kimendä 8 keşene pıçaq belän qadadı. Rusiäneñ baş ravvinı Berl Lazar, aşığıç çaralar kürergä çaqırdı: "Allağa şöker, cärähätlär alğannarnıñ xäle bügen yaxşıraq. Alar äle dä şok xälendä. Ämma iñ möhime – irtägä dä bu xälne buldırmaw, mondıy äyberlär başqa bulırğa tieş tügel, tärtip saqlawçılar wazğiätne kontrolgä alırğa, monıñ yähüdlärgä genä tügel, böten Rusiä öçen qurqınıç tudırğanın añlarğa tieşlär." Milisiä başta, höcüm itüçe Koptsevnıñ ber nindi dä extremist törkemnärgä qatnaşı buluı turında xäbär itmägän ide, ämma soñıraq Mäskäw prokurorı Anatoly zuyev, tikşerüçelär anıñ fatirında Nazi eçtälekle kitaplar tapqan, dip belderde. Rusiäneñ tışqı eşlär ministrlığı, Mäskäw patriarxatı häm Rusiäneñ Katolik çirkäwe başlığı höcümne kisken tñqitläp çıqtı.
XS
SM
MD
LG