Accessibility links

җомга, 2 декабрь 2016, Казан вакыты 22:57

Britaniä, Fransiä, Germaniä İrannı İminlek Şurasına çaqıra


Biredä bügen Britaniä, Fransiä häm Germaniä tışqı eşlär ministrları oçraşıp İrannıñ atom programması tiräsendäge kierenkelekne çişü yulların tikşerde. Diplomatlar İran mäsäläsen BMOnıñ İminlek Şurası köntärtibenä quyarğa çaqırdı. Yevropa Berlegeneñ tışqı säyäsät başlığı Javier Solana, Xalıqara Atom İdaräseneñ çirattantış utırışın cıyarğa täqdim itte. Rusiä tışqı eşlär ministrı Sergei Lavrov, İrannıñ atom eşçänlegen yañartuı turındağı belderüe, atom programmasınıñ yäşeren xärbi maqsatları bula aluına işärä itä ala, dide. Tährannıñ atom programmasın däwam itep Natanztağı qorılmasınıñ eşen yañatruı – xalıqara qanunnarğa qarşı kilmi, dide Lavrov. Ämma İranğa xäzerge waqıtta atom energiäseneñ kiräk bulmawı – anıñ bu adımı turında şik uyata, dip belderde Rusiä tışqı eşlär ministrı Exo Moskvı radiosına. Lavrov şulay uq, kiläse atnada Londonda Rusiä, Amerika Quşma Ştatları, Qıtay häm Yevropa Berlege wäkilläreneñ İran mäsäläsendä oçraşuı bilgelängän, dip xäbär itte.

XS
SM
MD
LG