Pänceşämbe könne Söğüd Ğäräpstanda 362 keşeneñ taptalıp ülüendä xacilar – räsmilärne, räsmilär – xacilarnı ğäyepli. Söğüdlärneñ ruxanie baş möfti şeix Abduläziz äş-Şäix, televideniä çığışında, xökümät qulınnan kilgänne eşlägän ide, dip belderde. Ämma qayber xacilar, uzğan yıllardağı faciğälärdän soñ räsmilär ber nindi dä çaralar kürmägän ide, dip bilgeläde. Faciğa xacnıñ soñğı könendä, şäytanğa taş atu ğämäle waqıtında buldı. İñ küp keşe, 1400 keşe şundıy uq ğämäl waqıtında 1990nçı yılda taptalıp ülgän ide.
