Accessibility links

пәнҗешәмбе, 8 декабрь 2016, Казан вакыты 05:04

Yevropa Berlege qoş kizüenä qarşı köräşkä 100 million dollar birä


Yevropa Berlege kiläse atnada Qıtayda ütäçäk, qoş kizüe taralğan illärgä çirgä qarşı köräşergä yärdäm iter öçen cıyılaçaq xalıqara ximäyäçelär konferensiäse aldınnan bu maqsatqa 100 million dollar bülep quyğanın belderde. Bu xaqta bügen berlekneñ tışqı mönäsäbätlär komissionerı Benita Ferrero-Walnder Brüsseldä xäbär itte:

"Cıyında Komissiä 100 million dollar, yağni 80 million yevro aqça wäğdä itäçäk."

Azärbaican räsmiläre, ildäge parklar häm urmannarda qoş-qortnıñ qoş kizüe belän awıru ixtimalı tikşerelä, dip xäbär itte. Radiobıznıñ azärbaican redaksiäse xäbär itüençä, soñğı könnärdä könyaqtağı Salyan rayonında qoşlarnıñ küpläp ülüe küzätelgän. Ämma räsmilär xäbär itüençä, bu yulı – ülemnärneñ säbäbe qoş kizüe tügel. Awıl xucalığı ministrlığı, qoşlar häm qoş iten barı tik kibetlärdä genä satu röxsät itelde, dip xäbär itte. Dönyada bügenge köndä qoş kizüennän 80gä yaqın keşe ülde. Belgeçlär süzlärenä qarağanda, alar barısı da bu çirne tere qoşlardan yoqtırğan bulğan.

XS
SM
MD
LG